नेपाल टेलिकमले आज सोमाबरदेखि फोरजीमा आधारित भ्वाइस ओभर एलटिई (भीओएलटिई) सेवाको परीक्षण सुरूवात गरेको छ ।
प्रिपेड र पोस्टपेड फोरजी मोबाइलमा भीओएलटिई सेवा प्रयोग गर्न सकिने छ । ग्राहकको माग अनुसार चौथो पुस्ताको फोरजीमा एलटिई प्रविधि अन्तर्गत भीओएलटीई (भ्वाइस ओभर एलटीई) सेवा सञ्चालनमा ल्याएको टेलिकमले जनाएको छ ।
भीओएलटिई (भ्वाइस ओभे एलटिई) एक विकसित प्रविधि हो । जसले फोरजी नेटवर्क मार्फत भ्वाइस कलमा उच्च गुणस्तरको आवाज प्रदान गर्नेछ । भीओएलटिईबाट कल गर्दा ब्याकग्राउण्डको नोइज पनि कम हुन्छ ।
भीओएलटिई बारे बारम्बार सोधिन नौं प्रश्नहरुमा नेपालल टेलिकमको जवाफ दिएको छ ।
भीओएलटिईको प्रयोग कसरी गर्ने ?
१. भीओएलटिई प्रयोग गर्न तपाईसँग भीओएलटिई भएको फोरजी मोबाइल फोन सेट हुन जरूरी छ ।
२. तपाईको मोबाइल बनाउने कम्पनीले नयाँ सफ्टवेयर अपडेट केही दिएको छ की छैन् त्यो निश्चित गर्नुहोस् ।
३. तपाईले टेलिकमको फोरजी सिम प्रयोग गर्नुभएको छ की छैन् त्यो निश्चित गर्नुहोस् ।
४. तपाईको फोनमा भीओएलटिई भ्वाइस कलिङ फिचर इनेबल छ की छैन् त्यो हेर्नुहोस् । त्यसका लागि एन्ड्रोइडको सेटिङमा जानुहोस् । त्यसपछि मोबाइल नेटवर्कमा जानुहोस् र भीओएलटिई कल अन गर्नुहोस ।
५. एउटै मोबाइलमा दुईवटा सीम प्रयोग गर्नेले टेलिकमको फोरजी सिम फोरजी÷थ्रीजी÷टुजी (अटो) नेटवर्क मोडमा राख्नुपर्छ ।
के तपाईको क्षेत्रमा भीओएलटिई उपलब्ध छ ?
देशभर टेलिकमको फोरजी नेटवर्क कभरेज भएको ठाउँमा भीओएलटिई सेवा उपलब्ध छ ।
सिम र मोबाइलमा कसरी भीओएलटिई सेवा एक्टिभेट गर्ने ?
टेलिकमको सिममा भीओएलटिई सेवा एक्टिभेट गर्न सुरुमा *४४४# डायल गर्नुपर्छ । त्यसपछि भीओएलटीई सेवा एक्टिभेट गर्ने अप्सन छानेर भीओएलटिई सेवा एक्टिभेट गर्न सकिन्छ ।
मोबाइलमा पनि भीओएलटिई सेटिङ इनेबल गर्नुपर्छ । त्यसपछि तपाईको फोनमा भीओएलटिई एक्टिभेट हुन्छ । केही नयाँ डिभाइस र सफ्टवेयर भर्सनमा भीओएलटिई सेटिङ नहुन सक्छ । यस्तो अवस्थामा भीओएलटिई डिफल्ट रूपमा इनेबल हुनेछ ।
म भीओएलटिई सेवामा छु भनेर कसरी थाहा पाउने ? ...
