जाँदाजाँदै गोविन्द गुरुङले खुलाए सिभिल बैंकको उत्साहजनक प्रगतिको राज

संचालनमा आएको साढे दश बर्ष पुगेको सिभिल बैंकले चालु आर्थिक बर्षको नौ महिनामा उल्लेख्य प्रगति गरेको छ। प्रगतिको मूल कारण ब्याजदरको बिषयमा बैंकहरुबीच कायम भद्र सहमति तोडिनु र खराब कर्जा अनुपात घट्नु रहेको बैंकको सीईओबाट राजिनामा दिएका गोबिन्द गुरुङले बताएका छन् ।

ब्याजदरको बिषयमा बैंकहरुबीच कायम भद्र सहमति तोडीएपछि काम गर्नलाई प्रशस्त मार्ग बनेको गुरुङको भनाई छ। बैंकको सीईओको रुपमा आफ्नो ४ बर्ष कार्यकाल सकिन ३ महिना अगाडी नै राजिनामा दिएका गुरुङले आफ्नो कार्यकालमा बैंकको उपलब्धिबारे सुनाउदै यस्तो बताएका हुन्। भद्र सहमति तोडीएपछि नै सिभिल बैंकले प्रगति गर्ने आधार पाएको उनले बताए।