सगरमाथा इन्स्योरेन्स (SIC) ले सगरमाथा आरोग्य स्वास्थ्य बीमा योजना सार्वजनिक गरेको छ । मंगलबार एक कार्यक्रमबीच बीमा समितिका अध्यक्ष सूर्य प्रसाद सिलवाल र कम्पनीका अध्यक्ष रामकृष्ण मानन्धरले संयुक्त रूपमा उक्त बीमा योजनाको शुभारम्भ गरेका हुन् ।
यस बीमा योजनामा व्यक्तिगत दुर्घटना बीमा, सामान्य स्वस्थ्य बीमा र गम्भिर प्रकारको रोगको जोखिम बहन हुनेछ । व्यक्तिगत दुर्घटना बीमामा ७ देखि १० लाख रुपैयाँ, सामान्य स्वास्थ्य बीमामा न्युनतम १ लाख देखि ५ लाख रुपैयाँसम्म र गम्भिर प्रकृतिका १८ रोगका लागि एक देखि १० लाख रुपैयाँसम्मको जोखिम बहन हुनेछ ।
बीमितले वार्षिक १६ सय रुपैयाँ बीमा शुल्क भुक्तानी गरेपछि ७ लाख रुपैयाँसम्मको दुर्घटना बीमा, एक लाख रुपैयाँको स्वास्थ्य उपचार बीमा र एक लाख रुपैयाँसम्मको गम्भिर प्रकृतिका जोखिमको बीमा हुने कम्पनीले जनाएको छ ।
