फागुन २६, काठमाडौं । मनकामना स्मार्ट लघुवित्त वित्तीय संस्थाले इक्रा नेपालमा रेटिङ गराएको छ ।
इक्रा नेपालले कम्पनीलाई इक्रा एनपी आइआर बिबि माइनस रेटिङ प्रदान गरेको हो । यस्तो रेटिङले कम्पनी समयमा वित्तीय दायित्तव पुरा गर्ने सम्बन्धमा मध्यम मात्रामा सुरक्षित रहेको देखाउँछ ।
यस्ता कम्पनीमा मध्यम क्रेडिट जोखिम रहेको हुन्छ । उक्त रेटिङ निष्कासनकर्ताको सामान्य क्रेडिट विश्वसनियता सम्बन्धी राय मात्र हो, यो कुनै खास ऋणपत्र विशेषको राय भने नभएको इक्रा नेपालले बताएको छ ।
कम्पनीले ३ लाख ८९ हजार कित्ता आईपीओ निष्कासन गर्नका लागि नियामक निकाय नेपाल धितोपत्र बोर्डमा फागुन १४ गते निवेदन दिएको छ । कम्पनीले यसअघि नै आईपीओ निष्कासनको विक्री प्रबन्धकमा एनएमबि क्यापिटललाई नियुक्त गरिसकेको छ ।