माछापुच्छ्रे बैंक डिजिटल बैंकिङको मामिलामा पहिलेदेखि नै अन्य वाणिज्य बैंकहरुको तुलनामा अग्रेसिभ देखिन्छ, पछिल्लो समय तपाईहरुले रेमिट्याप भन्ने डिजिटल सेवा ल्याउनु भयो । जुन नेपालको वाणिज्य बैंकिङ इतिहासमै पहिलो भएको भनेर दाबी गरिरहनु भएको छ । यसको बारेमा अलि विस्तृत रुपमा बताइदिनुस् ।
बजारमा अन्य वालेट सुविधाहरु छँदै छन् र अहिले झनै यसको संख्या थपिदैछ । यस्ता विभिन्न वालेटहरुले मार्केट होल्ड गरिरहेका छन् । हाम्रो पनि मोबाइल बैंकिङ त छदैछ । जसबाट हामीले हाम्रा ग्राहकहरुलाई विभिन्न सेवाहरु दिइरहेका छौँ । तर हाम्रा १० लाख ग्राहकभन्दा बाहिरको जुन जनसंख्या छ, जसको बैंकमा सहज पहुँच छैन, त्यस्तालाई समेट्नका लागि हामीले यो सेवा ल्याएका हौँ । बैंक भनिसकेपछि हामीसँग स्र्टेन्थ छ, टेक्नोलोजी छ र सँगसँगै बैंकिङ प्रडक्टहरु पनि छन् । त्यहि भएर बैंकले एउटा वालेट लञ्च गर्यो भन्नु बैंकिङ सुविधाहरु गाउँ गाउँमा पुर्याउनु हो । त्यसैले गाउँ गाउँमा बैंकिङ सेवा पुर्याउनका लागि नै हामीले पनि यो वालेट सेवा ल्याएका हौँ ।
