कात्तिक २४, काठमाडौं । नेपाल पुनर्बीमा कम्पनीको शेयर मूल्य हालसम्मकै उच्च विन्दुमा पुगेको छ ।
कम्पनीको शेयर मूल्य अहिले समाचार तयार पार्दासम्म रू. ९६५ मा कारोबार भइरहेको छ । सोमवार उच्च मूल्य रू. ९७३ सम्म पुगेको थियो । अपरान्ह २ : ५० बजेसम्म उक्त कम्पनीको रू. ५० करोड ८० लाख बराबरको शेयर खरीदविक्री भएको हो ।
आइतवार कम्पनीको शेयर मूल्य प्रतिकित्ता रू. ९०४ मा बन्द भएको थियो । एक्कासी कम्पनीको शेयर मूल्य वृद्धि हुँदा लगानीकर्ताहरुले सामाजिक सञ्जालमा विभिन्न अड्कल बाजी गर्न थालेका छन् ।
केहीले हकप्रद शेयरको हल्लाले र केहीले बोनस शेयरको हल्लाले वृद्धि भएको भनी प्रतिक्रिया दिएका छन् । कम्पनीले आव २०७५÷७६ मुनाफाबाट शेयरधनीलाई लाभांश वितरण नगर्ने जानकारी गराएको थियो । ...