काठमाण्डौ । स्याङ्जाको वालिङमा प्रधान कार्यालय रहेको कालिका लघुवित्त वित्तीय संस्था र पर्वतको कुश्मामा प्रधान कार्यालय रहेको जनसेवी लघुवित्त वित्तीय संस्थाको एकिकृत कारोवार बुधवारबाट शुभारम्भ भएको छ ।
यी दुई संस्थाको सफल मर्जरसँगै नेपालको बित्तीय क्षेत्रबाट जनसेवी लघुवित्तको अस्तित्व समाप्त भएको छ ।
नेपाल राष्ट्र बैंकबाट एकिकृत कारोवारको अन्तिम स्वीकृती पश्चात वालिङ–८, स्याङ्जा स्थित कालिका लघुवित्त वित्तीय संस्थाको केन्द्रीय कार्यालयबाट एकिकृत कारोवारको शुरुवात भएको हो ।
राष्ट्रिय स्तरको कालिका लघुवित्त वित्तीय संस्था लिमीटेडसंग जनसेवी लघुवित्त वित्तीय संस्था लिमीटेड गाभिएपश्चात कायम रहेको संस्थाको नयाँसञ्चालक समितिका अध्यक्ष विकास गौचनको अध्यक्षता राष्ट्रिय मानव अधिकार आयोगका सदस्य गोविन्द पौडेलको प्रमुख आतिथ्यता र पुर्व प्रमुख निर्वाचन आयुक्त निलकण्ठ उप्रेतीको विशेष आतिथ्यतामा एकिकृत कारोवार शुभारम्भ समारोह सम्पन्न भएको संस्थाका प्रमुख कार्यकारी अधिकृत मिनबहादुर बोहराले बताए ।
