काठमाडौं । एनएमबि बैंकको सहायक कम्पनीको रुपमा रहेको एनएमबि क्यापिटलले बुधबार साधारण सभा गर्दैछ ।
होटल मनास्लु, लाजिम्पाट, काठमाडौंमा अपरान्ह ४ बजे सभा सुरु हुनेछ । यस कम्पनीका शेयरधनीहरुलाई २० प्रतिशत नगद लाभांश समेत सभाले पारित गर्नेछ ।
साथै गत आर्थिक वर्ष २०७५-७६ को वार्षिक प्रतिवेदन पारित गर्नुका साथै चालू आव २०७६-७७ का लागि सार एसोसियट्सलाई पुनः नियुक्ति गर्नेछ ।
सभाले कम्पनीको प्रबन्धपत्र तथा नियमावलीका विभिन्न दफा तथा नियमहरुका संशोधन गर्ने र यसको जिम्बेवारी सञ्चालक समितिलाई दिनेछ ।
