पुस ६, काठमाडौं । लक्ष्मी बैंक लिमिटेडको १९ औं वार्षिक साधारणसभा आइतवार सम्पन्न भएको छ ।
साधारण सभाले बैंकको चुक्तापूँजीको १० प्रतिशत बोनस शेयर र ५ प्रतिशत नगद लाभांश वितरण गर्ने प्रस्ताव पनि पारित गरेको छ । पारित बोनस शेयरसँगै बैंकको चुक्तापूँजी रू.९ अर्ब ८१ करोड पुगेको छ ।
सभाले आर्थिक वर्ष २०७५/ ७६ का लागि संचालक समितिको प्रतिवेदन तथा सोही आर्थिक वर्षको बैंकको वित्तीय विवरण उपर छलफल गरी स्वीकृत गरेको छ । साथै साधारण सभाले संस्थापक शेयरधनीका तर्फबाट मनोनित सञ्चालकहरुको नियुक्ति अनुमोदन समेत गरेको छ ।