काठमाडौं । एकताका चर्चित बनेका बैंकको अहिले नाम निसाना छैन् । भोलिदेखि ‘नेपाली जनताको बैंक’ भन्ने नारा घन्काउँदै आएको जनता बैंक पनि गुमनाम हुँदैछ । भोलिदेखि संस्थापक र सर्वसाधारण लगानीकर्ताले ‘नेपाली जनताको बैंक’ को नारा लगाउन छाडेर ग्लोबल आइएमई बैंकको नारा ‘बैंक फर अल’ घन्काउने छन् ।
लगानीकर्ताले नेपाली नारा ‘नेपाली जनताको बैंक’ गुनगुनाउन छाडेर अग्रेजी नारा ‘बैंक फर अल’ भन्ने छन् । जनता बैंकका शेयरधनीको प्रमोशन हुँदै छ । उनीहरु भोलिदेखि अगे्रजीको नारामात्र गुन गुनाउने छैनन् , शेयरधनी पनि ग्लोबल आइएमई बैंकका हुने छन् । जनता बैंकका शेयरधनी चुक्ता पुँजी र निक्षेप संकलनमा पनि सबैभन्दा बढी भएको बैंकको मालिक हुनेछन् ।
एकताका निकै चर्चा कमाएका नेपाली बैंकहरु भोलिदेखि गुमनाम हुने जनता बैंकजस्तै भएका थिए । केही वर्षअघि सबैभन्दा चर्चामा रहेको किष्ट बैंक एकाएक प्रभुमा मर्ज हुन पुग्यो । किष्ट बैंकका तत्कालीन प्रबन्ध सञ्चालक कमल ज्ञवाली कर्जा अपचलनमा परेपछि उक्त बैंक समस्यामा परेपछि प्रभुमा बिलय भयो । पहिला लोगो भित्र सानो अक्षरमा अग्रजीमा किष्ट राखिएको थियो । अहिले उक्त अग्रजी अक्षर पनि हटाएर बैंकको नाम निशाना छैन् ।
