छिमेक लघुवित्त (CBBL) ले गत आर्थिक वर्ष २०७५/०७६ कमाईबाट शेयरधनीहरुलाई आकर्षक लाभांश वितरण गर्ने प्रस्ताव गरेको छ।
लघुवित्तको भदौ २४ गते मंगलबार बसेको सञ्चालक समितिको बैठकले शेयरधनीहरुलाई चुक्ता पूँजीको २७.११८६ प्रतिशत बोनस शेयर र १७.२१६८ प्रतिशत नगद लाभांश गरी कूल ४४.३३ प्रतिशत लाभांश वितरण गर्ने प्रस्ताव गरेको हो ।
अघिल्लो आर्थिक वर्ष २०७४/०७५ बाट लघुवित्त कम्पनीले शेयरधनीलाई १८ प्रतिशत बोनस शेयर र २२ प्रतिशत नगद लाभांश गरि कूल ४० प्रतिशत लाभांश वितरण गरेको थियो।
हाल १ अर्ब १८ करोड रुपैयाँ चुक्ता पूँजी रहेको लघुवित्तको ३२ करोड रुपैयाँ बराबरको बोनस वितरण पश्चात पूँजी १ अर्ब ५० करोड रुपैयाँ पुग्नेछ ।
