काठमाडौं : जानकी फाइनान्सले २२% बोनस सेयर दिने भएको छ । कम्पनीको शुक्रबार बसेको सञ्चालक समिति बैठकले गत आर्थिक वर्षको नाफाबाट उक्त बोनस सेयर दिने निर्णय गरेको हो । यस्तै, जानकीले बोनसमा लाग्ने कर तिर्न १.१६% नगद लाभांश पनि दिनेछ ।
प्रस्तावित बोनस तथा नगद लाभांश नेपाल राष्ट्र बैंक र आगामी वार्षिक साधारण सभाले अनुमोदन गरेपछि वितरण हुनेछ । जानकीको हाल चुक्ता पुँजी ४९ करोड २१ लाख ४० हजार रुपैयाँ रहेको छ । २२% बोनस वितरणपछि पुँजी ६० करोड ४ लाख १० हजार रुपैयाँ पुग्नेछ ।
