मुक्तिनाथ विकास बैंकले भिबोर क्यापिटलको बहुमत सेयर किनेको छ । बैंकले ११ करोड ६६ लाख रुपैयाँमा भिबोरको चुक्ता पुँजीको ५८ प्रतिशत र जारी पुँजीको ५२.२२ प्रतिशत सेयर स्वामित्व किनेको हो । गत असार ३१ गते बैंकले भुक्तानी गरिसकेको छ ।
अब मुक्तिनाथ विकास बैंकले भिबोर क्यापिटलको नाम परिवर्तन गरी मुक्तिनाथ क्यापिटलको रुपमा कम्पनी सञ्चालन गर्नेछ । नाम र लोगो परिपर्तन गर्ने विशेष प्रस्तावसहित आगामी भदौ २७ गतेका लागि भिबोरले साधारणसभा बोलाएको छ ।
