नेपाल चिनी उद्योग संघले खुला सीमाबाट हुने अनाधिकृत चिनी आयात रोक्न सरकारले कदम चालेको भन्दै स्वागत गरेको छ।
हालै सरकारले स्थलमार्गबाट सय रूपैयाँभन्दा धेरैको सामान ल्याउनलाई भन्सार लाग्ने नियममा कडाइ गरेको छ।
संघले यसलाई स्वदेशी उत्पादन र उद्योग संरक्षणतर्फ सकारात्मक नीतिका रूपमा लिएको जनाएको छ।
खुला सीमाका कारण लामो समयदेखि कर नतिरी भित्रिने चिनीले आन्तरिक बजार प्रभावित बनाइरहेको गुनासो चिनी उत्पादकको थियो।
