काठमाडौँ — नेपाल आयल निगमले बढ्दो घाटा नियन्त्रण गर्न पेट्रोलियम पदार्थको मूल्य पुनः समायोजन गरेको छ।
राति १२ बजेदेखि लागू भएको नयाँ मूल्यअनुसार पेट्रोलमा प्रतिलिटर १७ र डिजेलमा २५ रुपैयाँले मूल्यवृद्धि गरिएको हो।
नयाँ मूल्यसूचीअनुसार पेट्रोल पहिलो वर्गमा २१६.५० रुपैयाँ, दोस्रो वर्गमा २१८.०० र तेस्रो वर्गमा २१९.०० कायम गरिएको छ। डिजेलको मूल्य पहिलो वर्गमा २०४.५०, दोस्रो वर्गमा २०६.०० र तेस्रो वर्गमा २०७.०० निर्धारण गरिएको छ।
त्यस्तै, खाना पकाउने एलपी ग्यासको मूल्य प्रतिसिलिन्डर १०० रुपैयाँले वृद्धि गरिएको छ।
