नेपाली विद्यार्थी उच्च शिक्षा अध्ययनका लागि विदेश जाने क्रम तीव्र बन्दै जाँदा ठूलो मात्रामा धनराशी विदेश गएको छ। चालु आर्थिक वर्ष २०८२/८३ को आठ महिना (फागुनसम्म) मात्रै करिब ९७ अर्ब रुपैयाँ अध्ययनकै शीर्षकमा बिदेसिएको नेपाल राष्ट्र बैंकले जनाएको छ। यसले एकातिर विदेशी विश्वविद्यालयप्रति आकर्षण बढेको संकेत गरे पनि अर्कोतर्फ स्वदेशी शिक्षा प्रणाली र अर्थतन्त्रमा गम्भीर प्रश्न खडा गरेको छ।
