काठमाडौं । सरकारले पेट्रोलियम पदार्थको आयातमा लगाउँदै आएको भन्सार महसुल र पूर्वाधार विकास करमा ५० प्रतिशत छूट दिने निर्णय गरेको छ । मंगलवार (आज) बसेको मन्त्रिपरिषद् बैठकले उक्त निर्णय गरेको हो ।
सरकारले उक्त छूट दिने निर्णय गरे पनि पेट्रोलियम पदार्थको मूल्य भने तत्काल नघट्ने भएको छ । नेपाल आयल निगमका कार्यकारी निर्देशक चन्द्रिका प्रसाद भट्टले सरकारले निर्णय गरे पनि तत्कालै मूल्य नघट्ने बताए । सरकारको उक्त निर्णयले पेट्रोलियमको आयातमा भने सहज हुने उनको भनाइ छ ।
