काठमाडौं — सञ्चालनमा रहेका १५ हजार बचत तथा ऋण सहकारीमध्ये साढे ११ हजार मात्रै राष्ट्रिय सहकारी प्राधिकरणमा दर्ता भएका छन् । प्राधिकरणका अनुसार १७ चैतसम्ममा ११ हजार ६७७ बचत तथा ऋण सहकारी संस्था दर्ता भएका छन् भने १ हजार ८३४ सहकारी संस्थालाई सञ्चालन अनुमति समेत दिइसकेको छ ।
राष्ट्रिय सहकारी नियमन प्राधिकरण बचत तथा ऋण सहकारी संस्था नियमनका लागि स्थापना भएको संस्था हो । अघिल्लो सरकारले अध्यादेशमार्फत सरकारी ऐन २०७४ परिमार्जन गरेर बचत तथा ऋण सहकारी संस्था नियमनका लागि प्राधिकरण स्थापनाको व्यवस्था गरेको छ ।
