१८ चैत, काठमाडौं । नेपाल राष्ट्र बैंकले १४ लघुवित्त वित्तीय संस्थालाई कारबाही गरेको छ । केन्द्रीय बैंकले पूँजी कोष नपुर्याउने तथा बचतकर्तालाई दिने ब्याजदर न्यून कायम गरेको पाएपछि कारबाही गरेको हो।
चालु आर्थिक वर्षको दोस्रो त्रैमाससम्ममा ८ लघुवित्त वित्तीय संस्थाको पूँजीकोष तोकिए भन्दा न्यून रहेको राष्ट्र बैंकले जनाएको छ । लघुवित्त वित्तीय संस्थाहरूले कुल जोखिम भारित सम्पत्तिको ४ प्रतिशत प्राथमिक पूँजी र ८ प्रतिशत पूँजीकोष कायम गर्नुपर्ने व्यवस्था छ । त्यस आधारमा संजीवनी (सुपर) लघुवित्त वित्तीय संस्थाको पूँजीकोष ८ प्रतिशत भन्दा कम छ । यो लघुवित्त समस्याग्रस्त घोषणा भएको र फुकुवाको क्रममा रहेको छ ।
