काठमाडौँ — गत ६ फागुनमा रास्वपाले धनगढीमा आयोजना गरेको चुनावी सभामा पार्टीका वरिष्ठ नेता वालेन्द्र (बालेन) शाह काम नगर्ने निर्माण व्यवसायीमाथि खरो रूपमा प्रस्तुत भए । ‘दुई वर्षमा बन्ने बाटो २० वर्षमा पनि बन्दैन, डेढ वर्षमा बन्नुपर्यो, त्यो हाम्रो पार्टीको एजेन्डा हो, रुखमा बाँधेर हुन्छ कि सडकमा सुताएर हुन्छ वा खोरमा जाकेर हुन्छ बाटो बन्नुपर्यो,’ उनले सभामा भनेका थिए ।
वालेन्द्रको अभिव्यक्ति सामाजिक सञ्जालमा भाइरल बन्दै गर्दा त्यसको भोलिपल्ट ७ फागुनमा राष्ट्रिय सभागृहमा पार्टीको ‘प्रतिज्ञापत्र’ सार्वजनिक गर्ने क्रममा कांग्रेस सभापति गगन थापाले कानुनका कारण निर्माणको काममा ढिलाइ भइरहेको दाबी गरेका थिए ।
