अहिले बैंक तथा वित्तीय प्रणालीमा अत्यधिक तरलता छ।
बैंकहरूका अनुसार प्रणालीमा करिब ९०० अर्ब बराबरको लगानीयोग्य रकम निष्क्रिय अवस्थामा छ।
तर यति ठूलो रकम उपलब्ध हुँदाहुँदै पनि बजारमा कर्जाको माग अपेक्षित रूपमा बढ्न सकेको छैन।
नेपाल राष्ट्र बैंकको मासिक प्रतिवेदनअनुसार चालु आर्थिक वर्षको पहिलो चार महिनामा निजी क्षेत्रमा जाने कर्जा जम्मा ६५ अर्ब रूपैयाँको मात्रै छ। यस्तो कर्जा वृद्धिदर मात्र १.२ प्रतिशत छ।
बैंकमा पैसा थुप्रिँदै जानु र बजारबाट माग नआउनुले ब्याजदर निरन्तर घटिरहेको देखाउॅंछ।
