बजारमा कर्जाको माग नभएर बैंकहरूमा पैसा थुप्रिएपछि केही समययता राष्ट्र बैंकमा लगेर जम्मा गर्ने क्रम बढेको छ।
यसरी राष्ट्र बैंकमा जम्मा गरिएको रकम ८ खर्ब ७२ अर्ब रूपैयाँ पुगेको छ।
अहिले बैंकहरूमा निक्षेप रकम ७५ खर्ब ३५ अर्ब र कर्जा लगानी ५६ खर्ब ५८ अर्ब रूपैयाँ पुगेको छ। यस अनुसार बैंकहरूसँग कर्जा लगानी गर्न सक्ने रकम ११ खर्ब बराबर छ। यसमध्ये ८ खर्ब ७२ अर्ब रूपैयाँ राष्ट्र बैंकमा जम्मा गरिएको हो।
