काठमाडौं । सन् २०२५ को ११ महीनामा नेपाल भित्रिने पर्यटकको संख्या १० लाख नाघेको छ ।
नेपाल पर्यटन बोर्डले सोमवार (आज) सार्वजनिक गरेको तथ्यांक अनुसार सो अवधिमा १० लाख ६० हजार २६९ पर्यटक नेपाल आएका हुन् । यो गत वर्षको सोही अवधिको तुलनामा ०.४ प्रतिशत बढी हो । सन् २०२४ को ११ महीनामा १० लाख ५५ हजार ५२० पर्यटकले नेपाल भ्रमण गरेका थिए ।
पछिल्लो ११ महीनामा देशगत आधारमा सबैभन्दा बढी पर्यटक भारतबाट आएका छन् । उक्त अवधिमा भारतबाट २ लाख ६२ हजार ३४५ पर्यटकले नेपाल भ्रमण गरेको पर्यटन बोर्डको तथ्यांकमा उल्लेख छ ।
