सरकारले मागेको ऋणमा आकर्षण बढ्यो, ८ दिनमै साढे दुई अर्ब रूपैयाँको निवेदन

सार्वजनिक ऋण व्यवस्थापन कार्यालयले आवेदन खुलाएको ८ दिनमा नै नागरिक बचतपत्रको बिक्री बन्द गरेको छ।

बचतपत्र भनेको आन्तरिक ऋण उठाउने एउटा औजार हो। मुख्यतया विकास ऋणपत्र, नागरिक बचतपत्र र ट्रेजरी बिल्स बेचेर सरकारले आन्तरिक ऋण उठाउँछ।

कात्तिक २५ गते एक महिनाको अधिकतम समय दिएर सार्वजनिक ऋण व्यवस्थापन कार्यालयले साढे २ अर्ब रूपैयाँको ऋणपत्रको लागि आवेदन खुला गरेको थियो।