धितोपत्र बोर्डमा कर्मचारीहरू असोज २ गतेदेखि आन्दोलनरत छन्।
सार्वजनिक विदाको दिनबाहेक सधै जसो कर्मचारीहरू कार्यालय त आइरहेका छन्। तर, उनीहरू काम काज नै ठप्प पारेर आन्दोलन गरिरहेका छन्।
उनीहरूको काम अहिले नियमित समयमा कार्यालय आउने, हाजिर गर्ने, विरोध जनाउने, फुर्सदकै समय भएकोले घाम ताप्ने र कार्यालय समय सकिएपछि घर जाने भइरहेको छ।
कर्मचारीहरू आन्दोलित हुँदा धितोपत्र बोर्डबाट दैनिक रूपमा हुने कामकारवाही पूर्ण रूपमा रोकिएका छन्।
