नेपाल राष्ट्र बैंकले सेयर धितो कर्जा सम्बन्धी परिपत्र जारी गर्दै पूँजी बजारका लगानीकर्तालाई ठूलो राहत दिएपछि अब नेपाल धितोपत्र बोर्ड (सेबोन) पनि सुधार कार्यान्वयनका दिशामा सक्रिय भएको छ। अर्थ मन्त्रालयबाट प्राप्त निर्देशन र कार्यदलको प्रतिवेदनका आधारमा सेबोनले आज वा भोलि बोर्ड बैठक बोलाउने तयारी गरेको स्रोतले जनाएको छ।
अर्थ मन्त्रालयले असोज ९ गते राष्ट्र बैंक, नेप्से र सेबोनलाई पठाएको पत्रमार्फत असोज ३ गते अर्थमन्त्रीस्तरको निर्णयअनुसार गठित '‘पूँजी बजार सुधार सुझाव कार्यदल’'को प्रतिवेदन कार्यान्वयन गर्न निर्देशन दिएको थियो। उक्त कार्यदलको संयोजकता नेपाल धितोपत्र बोर्डका कार्यकारी निर्देशक रुपेश केसीले गरेका थिए।
