स्वस्तिक एग्रो इण्डष्ट्रिज लिमिटेडले सर्वसाधारणका लागि आइपीओ निष्काशन गर्न लागेको छ। उक्त निष्काशनको सम्पूर्ण प्रक्रिया व्यवस्थापन गर्न कम्पनीले नबिल इन्भेष्टमेण्ट बैंकिङ लिमिटेडलाई सेयर निष्काशन तथा बिक्री प्रबन्धकको रूपमा नियुक्त गरेको छ।
यस सम्बन्धमा स्वस्तिक एग्रो इण्डष्ट्रिज लिमिटेडका अध्यक्ष तथा प्रबन्ध संचालक सत्य नारायण झा र नबिल इन्भेष्टमेण्ट बैंकिङ लिमिटेडका प्रमुख कार्यकारी अधिकृत मनिष नारायण जोशीले हस्ताक्षर गरेका छन् । कम्पनीले साना तथा मझौला सङ्गठित संस्थाको धितोपत्र निष्काशन तथा कारोवार नियमावली, २०८१ अन्तर्गत धितोपत्र दर्ता र निष्काशनसम्बन्धी नियमावली तथा निर्देशिकाअनुसार नियमनकारी निकायबाट आवश्यक स्वीकृति लिएर निकट भविष्यमा प्राथमिक निष्काशन गर्ने योजना बनाएको छ।
