लामो समयको प्रतिक्षापछि साञ्जेन र रसुवागढी हाइड्रोपावरको सेयर दोश्रो बजारमा सूचिकरण हुने भएको छ । राष्ट्रिय महत्वका यी दुई जलविद्युत कम्पनीको सेयर दोश्रो बजारमा सूचिकरणका लागि सोमबार(भोलि) नेप्सेसँग सम्झौता हुने भएको हो ।
नेप्सेका प्रवक्ता मुराहरि पराजुलीले सोमबार दिउँसो ३ः३० बजे साञ्जेन र रसुवागढीको सेयर सूचिकरणको सम्झौता हुने जानकारी दिए । आइपीओ बाँडफाँड भएको करिब साढे तीन महिनापछि यी दुई हाइड्रोपावरको सेयर नेप्सेमा सूचिकृत हुने भएको हो । रसुवागढीले १०० रुपैयाँ अंकित दरले १ अर्ब २ करोड ६३ लाख १५ हजार रुपैयाँ बराबरको १ करोड २ लाख ६३ हजार १५० कित्ता आइपीओ निश्कासन गरेको थियो ।
