काठमाडौं : जिल्ला सरकारी वकिलको कार्यलय बाँकेले कर्णाली डेभलपमेन्ट बैंक लिमिटेडको मुद्दा आज दर्ता गर्ने भएको छ ।
प्रहरीले बुझाएको प्रतिवेदन अध्ययन अन्तिम चरणमा पुगेकाले आज मुद्दा दर्ता गर्ने तयारी रहेको जिल्ला सरकारी वकिल कार्यालय बाँकेका सहायक जिल्ला न्यायाधिवक्ता गोविन्द बहादुर शाहीले जानकारी दिए ।
नेपाल राष्ट्र बैंकले कर्णाली डेभलपमेन्ट बैंकलाई ‘समस्याग्रस्त संस्था’ घोषणा गरेपछि नेपाल प्रहरीको केन्द्रीय अनुसन्धान ब्युरो (सीआईबी) ले यसको अनुसन्धान गरेको थियो । सीआईबीको अनुसन्धानले बैंकमा करिब ३ अर्ब २० करोडबराबरको बैंकिङ कसुर भएको निष्कर्ष निकालेको छ ।
