अब सार्वजनिक स्थानको वाइफाइ बन्द हुने भएको छ।
नेपाल दूरसञ्चार प्राधिकरणले वाइफाई हटस्पट सञ्चालन विनियमावली २०७५लाई संशोधन गर्दै यस्तो व्यवस्था गरेको छ।
प्राधिकरणले दूरसञ्चार सेवा, मोबाइल टेलिफोन सेवा वा आधारभूत टेलिफोन सेवाबाहेकका अन्य संस्थाले सार्वजनिक स्थानमा दिइरहेको वाइफाई बन्द गर्नुपर्ने गरी विनियमावली संशोधन गरेको हो।
अन्यले 'निश्चित क्षेत्र वा परिधि' भित्र भने वाइफाई सञ्चालन गर्न पाउनेछन्।
यस्ता संस्थाले कुनै भवन वा सो भवनले ओगटेको घर कम्पाउण्ड, बसपार्क, विमानस्थल, अस्पताल, रेस्टुरेन्ट, सपिङमल, उद्यान, बगैंचा आदि सार्वजनिक स्थलले ओगटेको निश्चित क्षेत्रफल भएको स्थानमा वाइफाई सञ्चालन गर्न पाउँनेछन्।
