विकाश हाइड्रोपावर कम्पनी लिमिटेडद्वारा सर्वसाधारणका लागि निष्काशन गरिएको आईपीओमा अत्यधिक आवेदन परेको छ । कम्पनीले २०८२ सालको असार १८ गतेदेखि २२ गतेसम्म खुला गरेको २९ लाख ४२ हजार ७६० कित्ता साधारण शेयरमा मागभन्दा करिब ६ गुणा बढी आवेदन परेको देखिएको छ ।
प्रभु क्यापिटल लिमिटेड निष्काशन तथा बिक्री प्रबन्धक रहेको यस आईपीओमा असार २० गतेसम्म १४ लाख ७८ हजार ८३९ जनाले आवेदन दिएका छन् । ती आवेदकहरूले कूल १ करोड ८२ लाख २४ हजार ३२० कित्ता शेयरको लागि आवेदन दिएका छन् । कम्पनीको जारी पूँजीको ३० प्रतिशत हिस्सा सर्वसाधारणका लागि निष्काशन गरिएको हो ।
