काठमाडौं । सर्वोच्च अदालतमा मुद्दा विचाराधीन रहेकै बेला सेयर बेचेर लगानी उठाई सर्वसाधारणलाई डुबाउने नियतका साथ छायादेवी कम्प्लेक्सले ४ सय प्रिमियम थपेर आईपीओ जारी गर्ने प्रपञ्च रचेको छ ।
विवादित छायादेवी कम्प्लेक्सले १४ लाख ३७ हजार ५ सय कित्ता आईपीओ निष्कासनका लागि धितोपत्र बोर्डमा गत भदौमा नै आवेदन दिएको थियो ।
कागजी नाफा देखाएर १४ लाख ३७ हजार ५ सय कित्ताका लागि आवेदन
सार्वजनिक पोखरी मासेर छायादेवी कम्प्लेक्स बनाइएको विरुद्ध परेको मुद्दा सर्वोच्च अदालतमा विचाराधीन रहेकै अवस्थामा छायादेवीले आईपीओ निष्कासनका लागि आवेदन दिएको हो । नेपाल धितोपत्र बोर्डका प्रतिनिधिलाई प्रभावमा पारेर छायादेवी कम्प्लेक्सले ५७ करोड ५० लाख रुपैयाँको सेयर बिक्री वितरण गर्न लागेको हो ।
