काठमाडौँ । छ महिनामा २८ लाखभन्दा धेरै फोरजी प्रयोगकर्ता थपिएका छन् । नेपाल दूरसञ्चार प्राधिकरणका अनुसार गत असार मसान्तमा मोबाइल ब्रोडब्यान्डमार्फत् हुने उक्त प्रयोगकर्ताको कुल संख्या २ करोड २२ लाख ३२ हजार ४१६ रहेकोमा पुस मसान्तमा आइपुग्दा यो संख्या २ करोड ५० लाख ७५ हजार ४१९ पुगेको हो । यो अवधिमा फोरजी प्रयोगकर्ताको संख्यामा १२.७८ प्रतिशतले बढेको हो । उल्लेखित संख्या यो कुल इन्टरनेट प्रयोगकर्ताको ८९.७० प्रतिशत हो ।
