अमेरिकी सरकारको नीतिप्रति अमेरिकी कम्पनी गुगलले आफ्नो उत्पादन एन्ड्रोइड अपरेटिङ सिस्टम प्रयोग गर्न नदिने घोषणा गरेपछि चिनियाँ स्मार्टफोन निर्माता हुवावे समस्यामा परेको थियो । तर, अमेरिकाले हुवावेमाथि नरम नीति लिने घोषणा गरेपछि कम्पनीको सुखका दिन कायमै रह्यो ।
गुगलले तीन महिनापछि एन्ड्रोइड अपरेटिङ सिस्टम प्रयोग गर्न नदिने घोषणा गरेपछि हुवावेले आफ्नै अपरेटिङ सिस्टम हङमेन एक महिनाभित्र प्रयोगमा ल्याउने जनाएको थियो । स्मार्टफोनसहित कम्युटरमा समेत प्रयोग गर्न सकिने अपरेटिङ सिस्टम एन्ड्रोइडभन्दा छिटो हुने दाबी गरिएको थियो । तर, विभिन्न सञ्चारमाध्यममा प्रकाशित समाचारहरूका अनुसार कम्पनीले अब आफ्नो अपरेटिङ सिस्टम प्रयोग गर्ने नभई स्मार्टफोनमा गुगलकै अपरेटिङ सिस्टम एन्ड्रोइडको प्रयोगलाई निरन्तरता दिने घोषणा गरेको छ ।
