काठमाडौँ — च्याटजीपीटी निर्माता ओपेनएआईले १५० अर्ब डलरको मूल्यांकनमा थप लगानी उठाउने चर्चा चलेको छ । यसो भएमा ओपेनएआई विश्वकै ठूला स्टार्टअप कम्पनीमध्ये एक हुनेछ । कम्पनीले एप्पल, एनभिडिया, माइक्रोसफ्टजस्ता टेक जायन्टहरूबाट ६.५ अर्ब डलर लगानी उठाउने विषयमा छलफल गरिरहेको र बैंकबाट ५ अर्ब डलर ऋण लिन खोजेको ब्लुमबर्ग न्युजले जनाएको छ ।
यस वर्षको सुरुवातमा कम्पनीले आफ्ना सेयरधनीहरूलाई उनीहरूको शेयर बेच्न प्रस्ताव गर्दा कम्पनीको मूल्यांकन ८६ अर्ब डलर गरेको थियो ।
