गत बुधबार किनबेच गरिएको शेयरको राफसाफ आज आईतबार हुनुपर्ने हो तर धेरै शेयर दलालहरुमा यसबारेमा अन्योल देखा परेको छ ।
आन्तरिक राजश्व विभाग र सीडीएससीको निर्देशन अनुसार शेयर दलालहरुले् कागजी प्रमाण संकलन गरेर भारित औसत लागतको पाँच प्रतिशतका दरले पूँजीगत लाभकर गणना गर्नुपर्नेमा धेरै लगानीकर्ताहरुले त्यस्तो प्रमाणसहितको विवरण नदिएपछि शेयर दलालहरु अफ्ठेरोमा परेका छन् ।
एक शेयर दलालले मेरोलगानी डटकमसँग भने, धेरै लगानीकर्ताहरुले निर्धारित कागजमा ल्याप्चेसमेत लगाई प्रमाणसहितको भारित औसत लागत विवरण नदिएकाले अफ्ठेरो परेको छ । त्यस्तो कागज नदिनेको प्रतिकित्ता १०० रुपैयाँ नै भारित औसत लागत कायम गर्न पनि सकिने अबस्था छैन भने सीडीएससीले केही भन्दैन ।
...
