काठमाडौं : भारतको डिजिटल मुद्रा ‘इ–रुपैयाँ’ को प्रयोगमा भारी गिरावट आएको छ । हाल भारतमा डिजिट रुपैयाँको कारोबार गत डिसेम्बरको उच्चतम विन्दुको तुलनामा १०% मा सीमित भएको रोयटर्सले उल्लेख गरेको छ । भारतमा देखिएको गिरावटले अन्य धेरै देशहरुले डिजिटल मुद्राका लागि जनसमर्थन बटुल्ने प्रयासमा अनुभव गरेको संघर्षलाई प्रतिबिम्बित गरेको रोयटर्सले लेखेको छ ।
भारतको केन्द्रीय बैंक ‘भारतीय रिजर्भ बैंक’ ले सन् २०२२ को डिसेम्बरमा भौतिक नगदको डिजिटल विकल्पको रुपमा डिजाइन गरिएको इ–रुपैयाँको पाइलट परीक्षण सुरु गरेको थियो । आरबीआई सन् २०२३ को डिसेम्बरसम्ममा डिजिटल मुद्राको प्रतिदिन १० लाख खुद्रा कारोबारको आफ्नो लक्ष्यमा सफलतापूर्वक पुग्न पनि सफल भयो ।
