रौतहट । सिद्धार्थ बैंक लिमिटेडले बल्चनपुर, रौतहटको श्रीकृष्ण माध्यमिक विद्यालयलाई १४ वटा पङ्खा हस्तान्तरण गरेको छ। बढ्दो तापक्रमसँग विद्यार्थीहरूलाई सामना गर्न मद्दत पुर्याउने र स्थानीय शिक्षाक्षेत्रलाई सहयोग गर्ने उद्देश्यले यो पहल गरिएको बैंकले जनाएको छ । विहिबार एक कार्यक्रमका बिच बल्चनपुर, रौतहटको श्रीकृष्ण माध्यमिक विद्यालयमा यो पङ्खा हस्तान्तरण गरिएको हो ।
सिद्धार्थ बैंकले आफ्नो सामाजिक उत्तरदायित्व अन्तर्गत विद्यालयलाई पङ्खा सहयोग गरेर विद्यार्थीहरूको लागि थप आरामदायी वातावरण सिर्जना गर्न मद्दत पुर्याएको हो। हालैको अत्याधिक गर्मीका कारण विद्यार्थीहरूलाई कक्षामा ध्यान केन्द्रित गर्न कठिनाइ भएपछि, यो पहलले विद्यार्थीहरूको लागि सहज वातावरण बनाउने प्रयास गरेको छ।
तापक्रम बढ्दै जाँदा, यस्ता पहलहरू अझ बढी महत्वपूर्ण बन्दै जान्छन् । यसले स्थानीय समुदायहरूलाई सहयोग गर्न र दबाबपूर्ण वातावरणीय चुनौतीहरूको समाधान गर्न बैंकले उदाहरणीय उदाहरण प्रस्तुत गरेको छ।
