काठमाडौं : आगामी वैशाख १६ र १७ मा काठमाडौं मा आयोजना हुने तेस्रो लगानी सम्मेलनलाई दृष्टिगत गरी चीनका विभिन्न ठाउँमा प्रि इभेन्ट सम्बन्धी सेमिनार सम्पन्न भएको छ । लगानी सम्मेलनलाई दृष्टिगत गरी चिनियाँ सरकारी निकायहरु, चिनियाँ लगानीकर्ता र च्याम्बरका प्रतिनिधिहरु तथा गैरआवासीय नेपाली लगायबीच लक्षित छलफल भएको हो ।
लगानी बोर्डसँगको सहकार्यमा नेपाली राजदूताबास, बेइजिङ तथा हङकङ, छेड्दू र ग्वान्जाओ स्थित महावाणिज्य दूतावासले मार्च २३ देखि २९ सम्म चीनको विभिन्न शहरमा आयोजना छलफल गरेको हो । तेस्रो लगानी सम्मेलनको प्री–इभेन्ट सम्बन्धी पाँच वटा छुट्टाछुट्टै सेमिनारमा लगानी बोर्डले सहभागिता जनाएको छ ।
