काठमाडौँ । डिजिटल बैंकिङ कारोबारको सरल प्रणाली आजभोलि क्यूआर कोडको प्रयोग बढ्दो छ । मोबाइल बैंकिङ वा वालेटहरूमार्फत सहजै भुक्तानी गर्न सकिने यो प्रविधि किनमेलदेखि बिल भुक्तानीका लागि लोकप्रिय छ ।
नेपाल राष्ट्र बैंकले मोबाइल एप्लिकेशन र इन्टरनेट बैंकिङद्वारा गरिने कारोबार रकमको सीमा निर्धारण गरेको छ । जस अनुसार मोबाइल एप्लिकेशन (क्यूआर कोड समेत) बाट दैनिक ३ लाख रुपैयाँसम्म कारोबार गर्न सकिन्छ ।
