भारतकाे शेयर बजार नियामक निकाय सेबीले शेयर बजारमा हेरफेर गर्नेलाई कारबाही गर्ने तयारी गरेको छ । यसका लागि सेबीले आर्टिफिसियल इन्टेलिजेन्स (एआई)काे प्रयोग गर्न थालेको छ । एआई मार्फत अब भारतीय शेयर बजारमा हेरफेर गर्ने तुरून्त समातिने भएका छन् ।
बजार नियामकले अनुसन्धानका लागि एआई प्रयोग गरिरहेको छ । धितोपत्र बजारमा भएको अनियमिततालाई नियन्त्रणमा लिएर सेबीले हेरफेर गर्ने निकायलाई कारबाही समेत गरिरहेको छ ।
शनिबार सेबीका सदस्य कमलेश वाष्णर्येले एक कार्यक्रममा बाेल्दै यस्ताे खुलासा गरेका हुन् । शेयर काराेबारमा हुने हेरफेर राेक्नका लागि एआईकाे प्रयाेग थालेकाे उनले बताए ।
