हिमालयन रिइन्स्योरेन्सले नेपाल बीमा प्राधिकरणबाट अनुमति नै नलिई हकप्रद जारी गर्ने एजेन्डा साधारणसभामा लैजान लागेपछि प्राधिकरणले कम्पनीलाई स्पष्टीकरण सोध्न तयारी गरेको छ ।
रिइन्स्योरेन्सले आज सार्वजनिक गरेको साधारणसभाको सूचनामा लाभांश पछि हकप्रद सेयर जारी गर्ने एजेन्डा पनि संलग्न गराएको थियो तर कम्पनीले त्यसबारे बीमा प्राधिकरणलाई जानकारी नै नदिएको पाइएको छ । प्राधिकरणले रिइन्स्योरेन्सको चुक्ता पुँजी बढाउने निर्णय केही समय अघि गरेको थियो भने पुँजी बढाउने योजना पेश गर्न पनि कम्पनीहरुलाई निर्देशन दिएको थियो ।
