राष्ट्र बैंकले प्राथमिकता साथ सुरू गरेको क्युआर भुक्तानीमा उल्लेख्य सहभागिता देखिएको छ।
अहिले क्युआर माध्यमबाट मात्रै वार्षिक सात करोड ८० लाख पटक कारोबार हुने गरेको छ भने वार्षिक दुई खर्ब ४५ अर्ब रूपैयाँको कारोबार भइरहेको छ।
'क्युआरमार्फत् भुक्तानी गरी तरकारी खरिद गर्ने सुरूवात राष्ट्र बैंकबाट गरिएको आज तीन वर्ष पूरा भएर चार वर्ष लागेछ,' राष्ट्र बैंकका गभर्नर महाप्रसाद अधिकारीले सामाजिक सञ्जाल 'एक्स'मा लेखेका छन्, 'क्युआरबाटै पैसा तिरी पिइएको चियाको सम्झना त्यही गएर गर्ने जमर्को गरियो, क्युआरको इकोसिस्टम विकासमा संलग्न सबैप्रति हार्दिक आभार व्यक्त गर्दछु।'
