हिमालयन रिइन्स्योरेन्स लिमिटेडको आइपिओ बाँडफाँड सम्पन्न भएको छ ।
आइपिओ बिक्री प्रबन्धक एनएमबि क्यापिटलले आज बिहान १० बजे एक कार्यक्रमबीच आइपिओ बाँडफाँड गरेको हो । कम्पनीले १०० रुपैयाँ अंकित मूल्यमा १०६ रुपैयाँ प्रिमियम थप गरी प्रतिकित्ता २०६ रुपैयाँमा मंसिर २७ गतेदेखि आइपिओ बिक्री खुला गरेको थियो । करिब १.३ गुणाले ओभरसब्स्क्राइब्ड आइपिओमा साढे १५ लाख बढीले जनाले आवेदन दिएका थिए ।
