बीमा कम्पनीहरुले आईपीओ निष्काशन गर्दा प्रिमियम बापत संकलन गरेको रकम लाभांशका रुपमा वितरण गर्न पाउने भएका छन् । नियामक निकाय नेपाल बीमा प्राधिकरणले प्रिमियममा आईपिओ निष्काशन गरेका कम्पनीले चुक्ता पूँजी पुर्याउने प्रयोजनका लागि लाभांश वितरण गर्न दिने स्वीकृति दिएको हो ।
बीमा कम्पनीहरुलाई तोकिएको समयमा चुक्ता पूँजी पुर्याउन सकस परिरहेको अवस्थामा प्राधीकरणले सहजीकरण गरिदिएको बीमा प्राधीकरणका अधिकारीहरु बताउँछन् । प्राधिकरणले २०८० साल असार मसान्तसम्म बीमा कम्पनीहरुलाई पुँजिवृद्धि गर्ने निर्देशन दिएको थियो । सो बमोजिम बीमा प्राधिकरणले जीवन बीमा कम्पनीलाई ५ अर्ब रुपैयाँ र निर्जीवन बीमा कम्पनीलाई २ अर्ब ५० करोड रुपैयाँ पुँजी पुर्याउन भनेको थियो ।
