काठमाडौं । विद्युतीय भुक्तानी प्रविधि सबै नागरिकको पहुँचमा नपुगेकाले नगदबाटै अधिक कारोबार हुने गर्ने गरेका नेपालीसँग कति जम्मा कति रुपैयाँ बराबरको बैंक नोट होला ? हातमा नोट लिएर त्यसैबारे सोचिरहँदा आम मानिसमा यो जिज्ञासा उत्पन्न हुन्छ ।
नोट निष्काशन गर्ने नेपाल राष्ट्र बैंकले यो जिज्ञासा मेटाउने तथ्यांक सार्वजनिक गरेको छ । केन्द्रीय बैंकका अनुसार गत असार मसान्तसम्म नेपालभर ६ खर्ब ४० अर्ब ८ करोड रुपैयाँ बराबर विभिन्न दरका बैंक नोट चलनचल्तीमा छ ।
