काठमाडौँ । पछिल्लो महिना ३ लाख २६ हजार ९३० ले मोबाइल बैंकिङ प्रयोगकर्ताहरूको सङ्ख्या थपिएको छ । नेपाल राष्ट्र बैंकका अनुसार असोज मसान्तसम्ममा कूल मोबाइल बैंकिङ प्रयोगकर्ताहरूको सङ्ख्या २ करोड २२ लाख ८४ हजार ६२२ पुगेको हो ।
जबकि गत भदौ मसान्तसम्ममा यस्तो सङ्ख्या २ करोड १९ लाख ५७ हजार ६९२ रहेको थियो । समीक्षा महिनामा मोबाइल बैङ्किङमार्फत २ अर्ब ७७ करोड ८२ लाख ४० हजार रुपैयाँ ट्रान्जेक्सन (कारोबार) भएको छ ।
