काठमाडौँ । उच्च प्रविधिको प्रयोग र विकाससँगै पछिल्लो समय बैंक तथा वित्तीय संस्था र आर्थिक कारोबारमा समेत डिजिटल प्रविधिको प्रयोगले तीव्रता पाइरहेको छ । बैंकिङ कारोबारमा मात्र होइन, आजभोलि खुद्रा तथा थोक किनमेल, सबैखाले बिलको भुक्तानीमा समेत डिजिटल पेमेन्ट गेट वे (भुक्तानीका साधन) प्रयोग हुने गरेका छन् ।
ई–सेवा, खल्ती, कनेक्ट आईपीएस, प्रभू्–पे, आईएमई पे जस्ता भुक्तानीका दर्जनौँ साधन यसैका उदाहरण हुन् ।
बदलिँदो युगसँगै आएका यस्ता भुक्तानीका डिजिटल माध्यमहरुले आर्थिक कारोबारमा निकै सहजता त ल्याएका छन् तर जोखिमविहीन भने छैनन् । डिजिटल प्लेटफर्मको विकास र प्रयोग बढेसँगै यता प्रविधिको जोखिम पनि उत्तिकै बढेर गएको छ ।
