नेपाल राष्ट्र बैंकको पछिल्लो तथ्यांकले आयातमा सामान्य वृद्धि तथा निर्यातमा सामान्य गिरावट आएको देखाएको छ ।
आर्थिक वर्ष २०८०/८१ को पहिलो तीन महिनामा कुल वस्तु निर्यात २.३ प्रतिशतले घटेर रु.४० अर्ब ८७ करोड कायम भएको छ । अघिल्लो वर्षको सोही अवधिमा यस्तो निर्यात ३५.७ प्रतिशतले कमी आएको थियो । गन्तव्यका आधारमा भारततर्फ भएको निर्यात ९.४ प्रतिशतले कमी आएको छ भने र चीन र अन्य मुलुकतर्फको निर्यात क्रमशः ३४५.९ प्रतिशत र ९.५ प्रतिशतले वृद्धि भएको छ । वस्तुगत आधारमा जिंक शिट, जुस, अलैंची, पार्टिकल बोड, पोलिस्टर धागो लगायतका वस्तुको निर्यात बढेको छ भने पाम तेल, सोयाविन तेल, जुटका सामान, ऊनी गलैचा, रोजिनलगायतका वस्तुको निर्यात घटेको छ ।
