काठमाडौं । प्रयोगकर्ताहरूले अब डिजिटल वालेटमा दिनको २० पटकसम्म रकम जम्मा गर्न पाउने भएका छन् । नेपाल राष्ट्र बैकले चाडपर्वलाई लक्षित गर्दै कात्तिक २४ देखि मंसिर ३ सम्म डिजिटल वालेटमा २० पटक रकम जम्मा गर्ने सुविधा दिएको हो ।
यसअघि दैनिक १० पटक रकम जम्मा गर्न दिने गरेको राष्ट्र बैंकले नगद प्रवाह बढी हुने चाडबाडका बेला क्यासलेस कारोबार बढाउन सीमा बढाएको हो । केन्द्रीय बैंकको भुक्तानी प्रणाली विभागले सुविधा विस्तार गर्दै शुक्रबार परिपत्र नै जारी गरेको छ ।
